Tamil Song - 32 - Thuthiththiduvom Thuyavar

துதித்திடுவோம் தூயவர் இயேசுவையே

1.புது ஜீவனால் எம்மை புதுமையாய்
மாற்றும்திருச் சித்தம் செய்திடவே - உம்
மகிமையின் ஆவியால் நிறைந்தே
மகிழ மாதயவீந்திடுமே

2.கடும் புயல்களிலே கலங்கிடாதெம்மை  
காத்திடும் கர்த்தர் அவர் - திரு
 கரங்களை நீட்டி மறைவிடம் ஈந்து
மனமதை தேற்றினாரே

3.சுத்தர்களுடனே சீர்பொருந்திடவே
நித்தமும் கிருபை ஈந்தார் - தம்
ஜீவனையீந்து சாவினை ஜெயித்து
சேயராய் மாற்றினாரே

4.சிலுவை சுமந்தவர் பின்சென்றிடுவோம் 
சேவையும் செய்திடவே - உயர்
பெலமதை யீந்து பயமதை நீக்கி
பறந்திட கிருபை செய்தார்

5.அவர் வரும் வேளையை
அனுதினம் நோக்கி ஆயத்தமாகிடுவோம்
எம்மை அழைத்தவரே கரம் பிடித்தவரே

என்றும் அன்புடன் நடத்திடுமே